Pálmi Sigurhjartarson í Dómkirkjunni

Píanótónleikar

Pálmi Sigurhjartarson gaf út píanóplötuna “In the Moment” þann 1. maí síðastliðinn. Af því tilefni hélt hann útgáfutónleika í dómkirkjunni í Skálholti fyrr fullsetna kirkju og voru tónleikagestir yfir sig hrifnir af upplifuninni.

Pálmi lék lög af plötunni en á henni má finna bland af lögum eftir hann sjálfan sem og þekkt klassísk dægurlög í píanóútgáfum Pálma.

Nú fylgir Pálmi plötunni eftir með tónleikum númer tvö sem verða í dómkirkjunni í Reykjavík.

Þetta er einstök upplifun þar sem Pálmi situr einn við flygilinn, deilir sögunum á bak við lögin og túlkar lögin nótnalaust í náinni tengingu við áhorfendur og salinn sem framkallar galdur augnabliksins.

Gríptu tækifærið til þess að vera “In the Moment” með Pálma Sigurhjartarsyni.