Stúdentafagnaður Nemendasambands Menntaskólans í Reykjavík 2026 verður haldinn í Gullhömrum þann 30. maí.

Segja má að Stúdentafagnaðurinn, einnig nefndur Júbilantaballið, sé “Móðir allra árshátíða”. Um er að ræða gala-viðburð með sitjandi borðhaldi, ræðuhöldum og dansleik með lifandi tónlist í félagsskap nýstúdenta og annarra afmælisárganga. Þannig skemmta sér saman gamlir, ungir og miðaldra sem allir bindast þeim órjúfanlegu böndum sem felast í því að vera MR-ingar. Bekkir og árgangar hittast gjarnan í einkasamkvæmum til að rifja upp stúdentsárin og treysta vinaböndin áður en haldið er á fagnaðinn.

Stúdentafagnaðurinn ár hvert er afar glæsilegur og eftirminnilegur en oft eru fleiri en ein kynslóð úr sömu fjölskyldu á ballinu sem gerir andrúmsloftið einstakt.

Matseðil kvöldsins má finna hér að neðan:

Matseðill:

• Forréttur: Rjómalöguð sælkera grænmetissúpa með nýbökuðu brauði

• Aðalréttur: Grilluð nautalund með trufflu kartöfluköku og Madeirasósu

• Eftirréttur: Vanilluís gelato með súkkulaðibitum

Vegan matseðill:

• Forréttur: Sælkera grænmetissúpa með nýbökuðu brauði

• Aðalréttur: Innbakað grænmeti með búlgur og villisveppasósu

• Eftirréttur: Sorbet ís