Þar sem við mætumst  

Íslenski dansflokkurinn tekur yfir Litla svið Borgarleikhússins með Þar sem við mætumst, samsköpunarverki dansara flokksins. 

Í líkama dansarans býr uppsöfnuð reynsla, minni og þekking, sem mótast hefur í gegnum ótal sköpunarferli. Í verkinu fá dansararnir rými til sjálfstæðrar sköpunar, þar sem þau leiða ferlið sjálf og ögra hefðbundnum valdastrúktúr með að stíga samtímis inn í hlutverk dansara og danshöfundar.

 Áhorfendum er boðið upp á kvöldstund þar sem ólíkar raddir mætast í sameiginlegri hugleiðingu um kraftinn sem felst í hlustun og samhljómi.

Verkið er unnið í samvinnu við og er hluti af Listahátíð í Reykjavík.