HEIMA 2026

Armbönd á HEIMA-hátíðina verða afhent á hátíðardag (22. Apríl) í Ægi brugghúsi frá 14.00 til 18.00 gegn framvísun miða.

HEIMA fer fram síðasta vetrardag eins og alltaf - 22. apríl í miðbæ Hafnarfjarðar.

HEIMA-hátíðin hefur rækilega fest sig í sessi sem skemmtileg og einstök tónlistarhátíð þar sem boðið er upp á öðruvísi upplifun og meiri nánd en tónleikagestir og listamenn eiga almennt að venjast.

Þeir sem koma fram á HEIMA í ár eru:

• Sváfnir Sigurðarson

• Elinborg (Færeyjar)

• Stína Ágústsdóttir

• Kristmundur Axel

• Tríó Bjössa Thor

• Palli og Benni

• Kusk og Óviti

• Klara Einars

• Skítamórall

• Pétur Ben

• Ukulellur

• Mugison

• Oyama

• Þau

• + Andrea Jóns

Sem fyrr munu Hafnfirðingar opna heimili sín í miðbæ Hafnarfjarðar og í hverju húsi spila tveir mismunandi listamenn eða hljómsveitir. Fríkirkjan í Hafnarfirði verður eitt af HEIMA – húsum eins og undanfarin ár og hátíðin nýtir einnig sviðið í Bæjarbíói sem endurspeglar fjölbreytileika hátíðarinnar – allskonar hús og allskonar tónlist.

Fjörukráin er nýr samstarfsaðili og þar verður spilað í ár í Hofinu auk þess sem Fjörukráin ætlar að vera með tilboð á gistingu og mat. Það er alveg tilvalið að skella sér í stutta borgarferð í Hafnarfjörð síðasta vetrardag.

Listamennirnir/nöfnin eru fjórtán í ár og allir koma fram tvisvar í sitt hvoru HEIMA-húsinu í miðbænum. Það eru ekki allir að spila á sama tíma þannig að þeir sem eru duglegastir að rölta milli húsa sjá flest atriði.

Hátíðin hefst í Ægi Brugghús klukkan 14.00 þar sem armbönd og prentuð dagskrá verða afhent. Þar verður boðið upp á eitt og annað skemmtilegt auk þess sem barinn verður opinn og hægt að smakka á sérbrugguðum HEIMA-bjór Ægis.

Fyrstu HEIMA-tónleikarnir hefjast kl. 19.30 í Fríkirkjunni að lokinni formlegri setningu og þeim síðustu lýkur um kl. 23.00.

Undanfarin ár hefur verið einskonar lokaatriði HEIMA í Bæjarbíói og þannig verður það líka í ár – en við ætlum að bjóða upp á annað lokaatriði í ÆGI 220 á sama tíma. Hvort tveggja hefst uppúr klukkan 23 og endar ?

Um miðnættið hefst svo eftirpartí í ÆGI þar sem Dj. Andrea Jóns ætlar að fá fólk til að dansa fram á nótt.

HEIMA er tónlistarhátíð sem býður uppá nánd flytjenda og gesta sem og fjölbreytta tónlist fyrir allskonar fólk á öllum aldri.

Bestu vinir HEIMA eru Hafnarfjarðarbær, Bæjarbíó, Fjörukráin, Ægir brugghús og Rás 2

Meira á https://www.facebook.com/heimatonlistarhatid