Hinsegin kórinn og Spectrum syngja inn jólin.

Jólin eru yndislegasti tími ársins og nú bjóðum við ykkur upp á kórajól, þar sem Hinsegin kórinn og Spectrum koma saman. Við fögnum öllum hliðum jólanna, hvort sem það er snjókallastuð, kertaljós og knús, tregablendin fegurð eða jafnvel hinn ógnvænlegi yfirdráttur.

Þessir skemmtilegu tónleikar verða haldnir í Guðríðarkirkju miðvikudaginn 4. desember klukkan 20:00 og miðaverð er 5.500 krónur. Við tökum jólin á Hinsegin Spectruminu!
Stjórnandi Hinsegin kórsins er Helga Margrét Marzellíusardóttir og stjórnandi Spectrum er Ingveldur Ýr Jónsdóttir. Meðleikari er Sara Mjöll Magnúsdóttir píanisti.