WACKEN METAL BATTLE

Hljómsveitakeppnin Wacken Metal Battle verður haldin 25. apríl á hinum legendary tónleikastað Iðnó í Reykjavík.

Headliner kvöldsins: MÚR!

Í ár keppa 7 sveitir í úrslitum og mun fjölskipuð alþjóðleg dómnefnd ásamt áhorfendum velja eina af þeim til þess að spila fyrir Íslands hönd á stærstu þungarokkshátíð heims Wacken Open Air í sumar. Þar spilar hún fyrir mörg þúsund manns og tekur þar með þátt í lokakeppni Wacken Metal Battle ásamt 30 öðrum þjóðum þar sem ansi rausnarleg verðlaun bíða efstu 5 sveitanna.

Sérstakir gestir verða hljómsveitirnar Múr og Gaddavír.

Múr hefur verið gjörsamlega að springa út síðustu misseri sem frábært tónleikaband. Frammistaða þeirra á Andkristni í desember í fyrra er enn umtöluð enda voru þeir líklega besta bandið á hátíðinni. Nýja efnið frá þeim er algjörlega stórbrotið. Hljómsveitin vann þessa keppni fyrir nákvæmlega 4 árum síðan og hafa gert víðreist síðan eftir að þeir skrifuðu undir útgáfusamning við einn af risunum í bransanum Century Media og gáfu út fyrstu plötu sína hjá þeim í nóvember 2024. Hljómsveitin er ein af 4 íslenskum sveitum sem spila á Inferno hátíðinni í Osló núna um páskana en sveitin spilaði í janúar á Eurosonic í Hollandi, og í fyrra hitaðu þeir upp (direct support) fyrir Dark Tranquallity á Svíatúr, spiluðu á Sweden Rock Festival, Summer Breeze í Þýskalandi og Incineration fest í Bretlandi svo eitthvað sé nefnt. Tónleikasumarið 2026 er svo bjart þar sem búið er að tilkynna bandið á Sátuna og nýja In Flames festivalið í Svíþjóð, Göteborg Brinner, ásamt ArcTanGent í Bretlandi, Motocultor í Frakklandi og Karmøygeddon í Noregi.

Gaddavír sigraði í WMB Iceland keppninni í Iðnó í fyrra og spiluðu því á Wacken hátíðinni í síðasta sumar þar sem þeir gerðu ansi gott mót. Andi Skagamanna (og fáni auðvitað) reið vel yfir vötnum á sviðinu. Sveitin hefur nýtt tímann vel eftir þetta og spilað mikið. Sveitin spilaði á Sátunni í fyrra, annað árið í röð og gerðu víðreist á Norðanpönk, strax eftir Wacken. Þeir spiluðu á Hellirinn Metalfest 5 og hituðu svo upp fyrir Skálmöld í Gamla Bíó svo eitthvað sé nefnt. Sveitin fylgir einnig Múr á Inferno hátíðina um páskana, þar sem bæði Auðn (2016 WMB sigurvegararnir) og Forsmán (WMB finalists 2022) koma einnig fram. Gaddavír gefa út aðra plötu sína Akranes Krú 27. mars n.k. á Reykjavík Record Shop.

Húsið opnar kl. 18.30 og stíga Gaddavír á svið 19:00 og opna kvöldið með sprengju.

Þátttökusveitirnar í sjálfri WMB keppninni í ár eru eftirtaldar, í stafrófsröð:

• Chögma

• Drungi

• Grjót

• Miskunn

• Show guilt

• Sólför

• Sót

Þetta var niðurstaða 21 manna fjölskipaðrar alþjóðlegrar dómnefndar (6 innlendir og 15 erlendir aðilar) skipaðri fólki úr metal tónlistarbransanum, sem fór yfir umsóknirnar og valdi böndin. Hluti þeirrar dómnefndar mætir svo til landsins til að skipa dómnefnd keppninnar en hún mun skipa a.m.k. 10 erlendum aðilum ásamt góðum fjölda innlendra.

Á keppniskvöldinu hafa áhorfendur einnig atkvæðisrétt þannig að það er um að gera að mæta snemma og styðja sína sveit en atkvæðaseðlar verða afhentir við inngang.

Nánari upplýsingar á www.facebook.com/wmbiceland.Official og www.instagram.com/wmbiceland.Official/

Athugið að það er takmarkað magn miða á þennan viðburð og miðarnir munu fara hratt. Í fyrra var húsið pakkfullt!

Styrktaraðilar keppninnar eru: Dordingull, Rás 2, atNorth og Ægir Brugghús, en einnig Hljóðfærahúsið/Tónabúðin, Tónastöðin, Stúdíó Helvíti, Sundlaugin studíó og Xprent sem gefa vinninga í keppninni ásamt Sátan Metal Festival sem býður sigursveitinni að spila hjá sér í sumar.

Það er 18 ára aldurstakmark á þennan viðburð.