Ok, bye 2026

Ok, bye er einn umtalaðasti viðburður hér á landi og fer fram sem hluti af Iceland Innovation Week 29. apríl. Þetta eina kvöld koma frumkvöðlar, fjárfestar, stjórnmálafólk og listafólk saman í Austurbæjarbíói þar sem list, nýsköpun og loftslagsmál mætast í óhefðbundinni sviðsuppsetningu. Markmiðið er að varpa ljósi á helstu strauma og stefnur í sjálfbærni og loftslagsmálum og þau öfl sem eru þegar farin að móta framtíðina.

Ok, bye er veisla fyrir augu og eyru. Viðburðurinn er ekki hefðbundin ráðstefna heldur loftslagsleikhús, þar sem fyrirlestrar og samtöl fléttast saman við listrænar uppákomur, tónlist og sjónræna upplifun. Hér mætast TEDx og Broadway í upplifun sem er jafn hugræn og hún er sjónræn.

Markmið Ok, bye er skýrt: að horfa fram á við. Dagskráin fjallar um þær róttæku breytingar sem eru óhjákvæmilegar út frá lausnamiðuðu sjónarhorni. Á svið stíga leiðtogar, frumkvöðlar og fjárfestar sem hugsa stórt, framkvæma hratt og eru þegar að umbreyta kerfum.

Í ár er Ok, bye tileinkað þemanu Future of Food. Í eina kvöldstund breytist Austurbæjarbíó í svið framtíðarinnar, þar sem matur, tækni, fjármagn og nýsköpun takast á við sameiginlegt verkefni: að endurhugsa hvernig við nærum heiminn.

Meðal umfjöllunarefna eru fæðuöryggi og fæðukerfi, fjárfestingar í matvælatækni og frumkvöðlalausnir sem eru þegar farnar að umbreyta matvælaframleiðslu og neyslu. Fyrirlestrar, samtöl, tónlist og sjónræn upplifun fléttast saman í öflugt sjónarspil fyrir augu og eyru, þar sem fortíð og framtíð mætast og nýjar leiðir verða sýnilegar.

Ok, bye er unnið í samstarfi við Climeworks Iceland

Listrænt teymi

Handrit og leikstjórn

• Katie Hitchcock

• Melkorka Sigríður Magnúsdóttir 

í samstarfi við Iceland Innovation Week

Tónlist og hljóðmynd

• Halldór Eldjárn

Gestgjafi kvöldsins

• Stefán Þór Þorgeirsson ásamt dönsurum og sviðslistafólki úr leiksýningunni Kabarett

Leikmynd og búningar

• Sigríður Ágústa Finnbogadóttir

Fram koma

• Hanna Katrín Friðriksson

  Atvinnuvegaráðherra

• Þór Sigfússon

  Stofnandi, Íslenski Sjávarklasinn

• Jennifer Bushman

  Meðstofnandi og stjórnandi, Fed By Blue

• Rune Thiell

  Forstjóri og meðstofnandi, Rockstart hraðallinn

• Ragne Maasel

  Head of Impact, Oysterbay Capital

• Frederik Jensen

  Stofnandi, Summ Ingredients

• Mark Post

  Meðstofnandi og aðalvísindamaður, Mosa Meat

• Eric Archambeau

  Stofnandi og stjórnandi Astanor Capital

• Mark Emil Hermannsen

  Meðstofnandi, Kost Kapital

• Laura Sinisalo

  Markaðsstjóri, Solar Foods