Sinfóníuhljómsveit áhugamanna

Hljómsveitarstjóri: Oliver Kentish

Einleikari: María Qing Sigríðardóttir

Efnisskrá:

Joseph Haydn: Sellókonsert í D-dúr, Op. 101

Johannes Brahms: Sinfónía nr. 2 í D-dúr, Op. 73

María Qing Sigríðardóttir (f. 2004) hóf sellónám sitt fimm ára að aldri og stundar nú bakkalárnám hjá Prof. Conradin Brotbek við tónlistarháskólann í Stuttgart.

Vorið 2022 lauk María framhaldsprófi í sellóleik með hæstu einkunn frá Tónskóla Sigursveins. Hennar helstu kennarar voru Gunnar Kvaran, Örnólfur Kristjánsson og Ólöf Sigursveinsdóttir. Samtímis útskrifaðist hún sem stúdent með ágætiseinkunn úr Kvennaskólanum í Reykjavík.

Sem sigurvegari Ungra einleikara 2024 lék María einleik í Eldborg með Sinfóníuhljómsveit Íslands undir stjórn Petri Sakari. Hún hefur einnig komið fram sem einleikari með Sinfóníuhljómsveit unga fólksins. Árið 2022 hlaut hún þriðja sæti í North International Music Competition.

María kemur reglulega fram á tónleikum víða um Evrópu, sem einleikari, í mismunandi kammerhópum og hljómsveitum.

Nánari upplýsingar um Sinfóníuhljómsveit áhugamanna má finna á heimasíðu hljómsveitarinnar: www.ahugasinfonia.is

Aðgangseyrir er 3500 kr. Afsláttarverð fyrir nemendur og eldri borgara er 2500 kr., sem greiðist við innganginn.