Ragga Gísla... & Hipsumhaps í Austurbæjarbíó

Þann 31. október næstkomandi snúa Ragnhildur Gísladóttir og Hipsumhaps bökum saman á tónleikum í Austurbæjarbíói. Tónleikarnir verða síðasti snúningurinn í tónleikaröðinni …& Hipsumhaps, þar sem kynslóðir sameinast í tónum og tali. Tvíeykið stórkostlega Kusk & Óviti mun stýra upphitun kvöldsins.

„Ég þarf ekki að kynna Röggu Gísla fyrir neinum. Hún er brautryðjandi í íslenskri tónlistarsögu og lögin okkar eiga einstaklega vel saman. Þetta verða síðustu tónleikarnir í seríunni — og því viðeigandi að þeir fari fram á hrekkjavöku, ásamt draugum fortíðarinnar, í Austurbæ — þar sem Ragga steig fyrst á svið með Grýlunum.“

— Fannsi, Hipsumhaps

Hljómsveit kvöldsins skipa:

• Ragnhildur Gísladóttir – söngur

• Fannar Ingi Friðþjófsson – söngur og gítar

• Bergur Einar Dagbjartsson – trommur

• Kristinn Þór Óskarsson – gítar

• Magnús Jóhann Ragnarsson – hljómborð

• Ólafur Alexander Ólafsson – bassi og gítar

• Tumi Árnason – saxófónn

Miðaverð í lágmarki, stemning í hámarki. Tryggið ykkur miða á Tix.is.