Ragga Gísla... & Hipsumhaps í Austurbæjarbíó

Á hrekkjavöku ætla Ragnhildur Gísladóttir og Hipsumhaps að snúa bökum saman í nýju og glæsilegu Austurbæjarbíói. Þetta verður síðasti snúningurinn í tónleikaröðinni …& Hipsumhaps og þakið mun bókstaflega rifna af kofanum. Tvíeykið stórkostlega Kusk & Óviti mun stýra upphitun kvöldsins og draumaprinsinn Elvar Orri tekur nokkur spikfeit lög.

„Ragga er legend og þetta verður eitt besta kvöld lífs þíns. Þú getur skrollað Tik Tok eða horft á Gísla Martein daginn eftir. Þetta verður bara einu sinni. Bara hittarar - ekkert rugl.“

• Fannsi, Hipsumhaps

Þetta verður besta ball í sögu Reykjavíkur. Mættu í hrekkjavökubúning. Mættu nakin. Mættu sem þú. Okkur er sama. Mættu bara.

Miðaverð er 3.900 kr. og aldurstakmark 20 ára. Tryggið ykkur miða á Tix.is og það strax.