Kammermúsíkklúbburinn var stofnaður árið 1957 og kynnir nú 69. starfsár sitt. Árskort sem gildir á alla tónleika starfsársins kostar 20.000 kr. en fullt verð á stökum aðgöngumiðum er 4.900 kr. Hægt er að kaupa árskortin hjá miðasölu Hörpu og með því að smella hér.

Á upphafstónleikum vetrarins fá tvö af þekktustu verkum franska tónskáldsins Maurice Ravel, Píanótríóiðog Fiðlusónatan, að njóta sín við hlið hins sívinsæla Spiegel im Spiegel og hins sjaldheyrða píanótríós Mozart-Adagio eftir Arvo Pärt. Ravel fæddist fyrir sléttum 150 árum og Pärt fagnar níræðisafmæli þann 11. september 2025.

Efnisskrá

Arvo Pärt (1935)

Mozart-Adagio fyrir píanótríó

Spiegel im Spiegel fyrir selló og píanó

Maurice Ravel (1875 - 1937)

Sónata nr. 2 fyrir fiðlu og píanó

I. Allegretto.

II. Blues. Moderato.

III. Perpetuum mobile. Allegro.

HLÉ

Píanótríó

I. Modéré

II. Pantoum (Assez vif)

III. Passacaille (Trés large)

IV. Final (Animé)

Flytjendur

Ari Þór Vilhjálmsson, fiðla

Sigurgeir Agnarsson, selló

Liam Kaplan, píanó

Fiðluleikarinn Ari Þór Vilhjálmsson, listrænn stjórnandi Kammermúsíkklúbbsins leikur ásamt tveimur leiðandi hljóðfæraleikurum Sinfóníuhljómsveitar Íslands, þeim Sigurgeiri Agnarssyni sellóleikara og Liam Kaplan píanóleikara.

Tónleikar Kammermúsíkklúbbsins eru hluti af Sígildum sunnudögum í Hörpu.

Smellið hér til að heimsækja vef Kammermúsíkklúbbsins.