Um viðburðinn

Þann 23. október næstkomandi efnir BIM Ísland til ráðstefnu í Silfurbergi í Hörpu.

Á ráðstefnunni munu erlendir fyrirlesarar fjalla um hvernig stafrænar umbreytingar geta aukið virðissköpun og hagrætt í hönnun, framkvæmdum og rekstri mannvirkja. Í ár verður lögð áhersla erindi tengd Open BIM, stafrænni stjórnsýslu byggingarmála ásamt sjálfvirkni og gervigreind.

Ráðstefnan er fyrir alla aðila í mannvirkjagerð; hönnuði, verktaka, verkkaupa, rekstraraðila og aðra sérfræðinga. Nánar hér

Sem fyrr mun innviðaráðherra flytja opnunarávarp ráðstefnunnar og fyrirlesarar koma víðsvegar að, með ólíkan bakgrunn, flytja okkur fjölbreytt erindi sem gefa okkur innsýn í það sem er að gerast í framþróun stafrænnar mannvirkjagerðar.

Í ár er gert ráð fyrir rúmlega 250 ráðstefnugestum sem eiga það sameiginlegt að vilja kynna sér allt sem viðkemur stafrænni mannvirkjagerð. Þér býðst hér frábært tækifæri, bæði að auka þekkingu þína ásamt því að hitta kollega í faginu og stækka tengslanetið.

Innifalið í miðaverði er morgunverður og hádegisverður og glæsilegt kokteilboð við ráðstefnulok.

BIM Ísland eru félagasamtök aðila sem koma að hönnun, framkvæmd, rekstri og eignaumsýslu mannvirkja. Tilgangur og markmið félagsins er að vera leiðandi samráðsvettvangur í þróun, innleiðingu og stöðlun í BIM og stafrænni tækni í mannvirkjagerð, ásamt því að hvetja til stöðugra umbóta í notkun BIM og stafrænnar tækni til aukinna gæða og hagræðingar á líftíma mannvirkja.

BIM Ísland hefur nýlega stofnað buildingSMART Iceland einingu, en með því eykst enn frekar geta og möguleikar BIM Ísland til að ná þessum markmiðum, með tengslum við buildingSMART International. Með þessu er BIM Ísland betur í stakk búið til að leiða samtalið um tækifærin sem felast í aukinni notkun BIM og annarrar tækni á íslenskum markaði og stuðla þannig að þróun, nýsköpun og hagræðingu innan íslenskrar mannvirkjagerðar.

Dagskrá: 

08:30 Húsið opnar - afhending ráðstefnupassa í miðasölu
09:00 Setning ráðstefnu
09:10 Svandís Svavarsdóttir, innviðaráðherra, ávarpar ráðstefnugesti
9:30 Bergur Ebbi ráðstefnustjóri flytur stutt erindi
9:40 Richard Kelly Operations Director, buildingSMART International
Unlocking Productivity & Sustainability through openBIM
10:05 Jaan Saar Chair of EU BIM Task Group / Member of the Board of Directors at buildingSMART International / Chief Evangelist for Future Insight
Automating Building Permitting - the "Killer App" for BIM

10:30 Léttur morgunverður

11:05 Kynning
11:15 David Andrew Fink Digital Manager, Henning Larsen
Working Smarter at Henning Larsen.
11:40 Krzysztof Wojslaw, Fonder of Educational Platform LearnGrasshopper.com
How can generative design contribute to more sustainable solutions?
12:05 Kynning

12:15 Hádegisverður

13:10 Bergur Ebbi ráðstefnustjóri flytur stutt erindi
13:20 Steen Sunesen, CEO buildingSMART Norway
Information quality - Are we digital yet?
13:45 Tórdur Áki Jacobæus, Project Manager, Molio and buildingSMART Denmark og Giulia Pasinelli, BIM Coordinator, Femern
The Fehmarn project and Information Delivery Specification
14:25 Kynning

14:35 Síðdegiskaffi

14:55 Hugrún Ýr Sigurðardóttir, Teymisstjóri á sviði mannvirkja og sjálfbærni, Húsnæðis- og mannvirkjastofnun
Stafræn byggingarleyfi
15:20 Linus Malm Head of Department, Digital Strategist, Tyréns Sverige AB
2018 Oslo Pensjonsforsikring wanted to build one of Norways smartest buildings. How did it go? And what are the learnings along the way?

16:00 Ráðstefnu lokið

16:00 Kokteilboð

18:00 Formlegri dagskrá lokið