Jólatónleikar Lúðrasveitar Þorlákshafnar

Lúðrasveit Þorlákshafnar skartar ekki aðeins tæplega 50 flottum hljóðfæraleikurum heldur einnig fjölmörgum færum söngvurum. Á jólatónleikum LÞ í ár munu þó nokkrir einsöngvarar úr röðum sveitarinnar stíga á stokk og syngja við undirleik félaga sinna auk eins gestasöngvara. Dagskráin er hugljúf og hátíðleg, lögin kunnugleg og kær og Þorlákskirkja rammar síðan inn hátíðarstemninguna fyrir hvern og einn.

Stjórnandi er Daði Þór Einarsson.