Kynning þar sem listamennirnir Jarkko Partanen og Jussi Matikainen í WAHAUS segja frá tilurð The Companion, ræða ferlið og taka sýnidæmi með hjálp hugrakkra sjálfboðaliða úr áhorfendahópnum. Í afslöppuðu andrúmslofti skoðum við saman hugmyndir á borð við manngervingu, samlíðan og ekki-mennskan vilja. Í lok kynningarinnar verður gestum boðið að klappa vélhundi.

WAUHAUS er þverfaglegur listhópur í Helsinki sem var stofnaður árið 2016. Verk hópsins má staðsetja milli ólíkra listgreina og hafa þau verið sýnd í ýmiss konar rýmum, svo sem söfnum, svörtum kössum, borgarlandslagi, á stórum leikvöngum og aðalsviðum stofnanaleikhúsa. WAUHAUS eru þekkt fyrir samsköpun og fagurfræði þar sem hið hljóð- og sjónræna fléttast saman. Meðlimir WAUHAUS eru sviðshönnuðurinn Laura Haapakangas, leikstjórinn Juni Klein, sviðshönnuðurinn Samuli Laine, hljóðhönnuðurinn Jussi Matikainen, danshöfundurinn Jarkko Partanen, hljóðhönnuðurinn Heidi Soidinsalo, framleiðandinn Minttu-Maria Jäävuori og framkvæmdastjórinn Julia Hovi. Hópurinn vinnur með öðru listafólki og menningarstofnunum bæði í Finnlandi og erlendis.

Listamenn: Jarkko Partanen, Jussi Matikainen, Laura Haapakangas from WAUHAUS 


Útlit vélhunds: Kari Kankaanpää

Ljósahönnun: Mia Jalerva

Þróun hugbúnaðar: Aki Panuma (Probot)

Framleiðandi: Julia Hovi

Meðframleiðendur: WAUHAUS (Helsinki), Black Box teater (Oslo), Kiasma Theatre (Helsinki).

Í samstarfi við: Probot

Styrkt af: Nordic Culture Point, Jenny and Antti Wihuri Foundation, The Arts Promotion Centre Finland, City of Helsinki.

Sýningin er partur af dagskrá Reykjavík Dance Festival. Dagskrá hátíðarinnar má nálgast á

https://www.reykjavikdancefestival.com/