Kvöldstund með Ingu Steinunni er splunkunýtt uppistand. Áhorfendum er boðið upp á sprenghlægilega kvöldskemmtun þar sem Inga mun fara yfir allt á milli himins og jarðar.

Inga Steinunn er 27 ára sviðshöfundur. Árið 2023 frumsýndi Inga frumraun sína í uppistandi Allt í góðu lagi í Tjarnarbíói.

 Í kjölfarið hitaði hún upp fyrir Hugleik Dagsson og frumsýndi síðan uppistandið Vangadans í Þjóðleikhúskjallaranum ásamt Hákoni Erni Helgasyni. Hún sýndi vikulega með spunahópnum Improv Ísland frá árinu 2019-2025. Nýverið frumsýndi hún leiksýninguna Leikritið í Afturámóti sem hún skrifaði og flutti.