Una Sveinbjarnardóttir fiðluleikari leikur íslensk verk af plötu sinni Ea Fantasia sem kom út snemmsumars. 

Frumflutt verða verkin Aria eftir Maríu Huld Markan Sigfúsdóttur, Fragile Stillness eftir Lilju Maríu Ásmundsdóttur og titilverk Unu, Ea Fantasia. Einnig verður frumflutt nýtt verk Hauks Tómassonar Una Corda. Verk Karólínu Eiríksdóttur, Tryggva Baldvinssonar og John Speight munu einnig heyrast auk verka Veronique Vöku Jacques, Sveins Lúðvíks Björnssonar og Jóns Nordal.