Klassíkin okkar hefur fyrir löngu fest sig í sessi sem ómissandi upptaktur að nýju starfsári Sinfóníuhljómsveitar Íslands. Að venju kennir ýmissa grasa á fjölbreyttri efnisskránni sem gleðja mun hug og hjarta á þessu síðsumarkvöldi: Leiftrandi fjörug hljómsveitartónlist og tregafullir söngvar í bland við ástríðufullar aríur, hetjusöngva og kraftmikinn píanóleik. Stjörnur kvöldsins eiga það margar sameiginlegt að prýða tónleikadagskrá komandi starfsárs og gefa hér tónleikagestum tækifæri til að njóta hæfileika sinna og útgeislunar. Það er Daníel Bjarnason sem heldur um tónsprotann og leiðir Sinfóníuhljómsveit Íslands á þessum skemmtilegu tónleikum sem verða að auki í beinni útsendingu á RÚV.

  

Hljómsveitarstjóri
Daníel Bjarnason

Píanó
Ásta Dóra Finnsdóttir 

Sópran
Álfheiður Erla Guðmundsdóttir
Bryndís Guðjónsdóttir

Tenór
Elmar Gilbertsson

Söngur
Unnsteinn Manuel Stefánsson 

Kór
Karlakór Reykjavíkur