Anúna á Íslandi

  ANÚNA, hinn þekkti írski sönghópur, kemur nú fram á Íslandi í fyrsta sinn. Hópurinn var stofnaður árið 1987 af tónskáldinu Michael McGlynn og er þekktur fyrir sérstæðan hljóm og tónleikaupplifun þar sem söngur, hreyfing og ljós fléttast saman.  

Á tæplega fjögurra áratuga ferli hefur ANÚNA komið fram víða um heim. Raddir hópsins má meðal annars heyra í tónlist tölvuleikjanna Diablo og Xenoblade og samstarfsverkefni hans hafa spannað allt frá Elvis Costello til japansks Noh-leikhúss.

Þetta verða fyrstu tónleikar ANÚNA á Íslandi og einstakt tækifæri til að heyra og sjá hópinn hér á landi.