Ragga Gröndal, söngur
Guðmundur Pétursson, gítar
Birgir Steinn Theodórsson, bassi

Ragga Gröndal kemur fram á tónleikum klúbbsins ásamt þeim Guðmundi Péturssyni og Birgi Steini Theodórssyni. Á efnisskránni verða uppáhaldslög úr amerísku söngbókinni, sígild íslensk lög og valdar tónsmíðar úr smiðju Röggu. 

Þau hafa starfað saman um árabil og þróað með sér náið samspil. Í látlausum útsetningum tríósins fá lögin að njóta sín og hvert hljóðfæri fær sitt rými.