Á þessum tónleikum hljóma tvö tónverk í fyrsta sinn í flutningi Sinfóníuhljómsveitar Íslands: Píanókonsert eftir Clöru Schumann og 2. sinfónía Antons Bruckner. Píanókonsertinn hljómar hér í einstakri túlkun Alexöndru Dariescu en konsertinn skrifaði Clara kornung, aðeins 14 ára gömul, sem Clara Wieck. Fáum árum síðar giftist hún tónskáldinu Robert Schumann og tók þá upp hið þekkta eftirnafn eiginmannsins. Önnur sinfónía Bruckners fékk snemma viðurnefnið „Sinfónía þagnanna“ vegna rausnar legrar notkunar Bruckners á þögnum til að skilja á milli formhluta innan verksins. Í síðari gerð verksins hafði Bruckner fækkað þögnunum umtalsvert og stytt en nafngiftin hélt sér engu að síður. Með þessari sinfóníu má segja að Bruckner hafi stigið stórt skref í að fullkomna tök sín á hinu sinfóníska formi.

Finnski hljómsveitarstjórinn og fiðluleikarinn John Storgårds stýrir Sinfóníu hljómsveit Íslands á tónleikununum en hann mun einnig leika einleik á fiðlu í þremur litlum rómönsum eftir Clöru í hljómsveitarútsetningu Bernards Rofe.

Hljómsveitarstjóri og einleikari 

John Storgårds 

Einleikari
Alexandra Dariescu 

Efnisskrá
Clara Schumann  3 Rómönsur
Clara Schumann  Píanókonsert
Anton Bruckner  Sinfónía nr. 2