Sigurður Flosason

Saxófónleikarinn Sigurður Flosason sendir frá sér glænýjan disk 24. apríl. Tónlistin er á mörkum jazz-, blús- og soultónlistar og er öll eftir Sigurð.  Diskurinn ber titilinn Blue Shoes og er gefinn út af Prophone/Naxos útgáfunni í Svíþjóð.  Upptökur fóru fram í Kaupmannahöfn síðastliðið sumar. Á diskinum leika danskir og sænskir tónlistarmenn en á útgáfutónleikum leika samstarfsmenn Sigurðar hér á landi til margra ára; Einar Scheving á trommur, Andrés Þór Gunnlaugsson á gítar og Agnar Már Magnússon á Hammond-orgel.