Joep Beving - Liminal tour

Hollenski píanóleikarinn og tónskáldið Joep Beving flytur verk af nýrri plötu sinni ásamt völdum verkum úr fyrri útgáfum.

Á undanförnum árum hefur Beving fest sig í sessi sem einn af þekktari píanóleikurum samtímans og hefur tónlist hans verið streymt í hundruðum milljóna.

Tónlist Bevings hefur heillað hlustendur um allan heim og minnir nær á sameiginlega hugleiðslu. Einfaldar en dýpri laglínur opna rými fyrir kyrrð og leiða okkur aftur að því sem raunverulega skiptir máli: tilfinningum, minningum og mannlegum tengslum.
Píanóið hefur fylgt Beving alla ævi og er þessi djúpa tenging við hljóðfærið greinileg í verkum hans. Frumraun hans, Solipsism, sem upphaflega var hugsuð fyrir fjölskyldu og vini, varð að óvæntu fyrirbæri og markaði upphaf alþjóðlegs ferils hans. Í kjölfarið samdi hann við hið virta útgáfufyrirtæki Deutsche Grammophon og tónlist hans hefur síðan náð til milljóna hlustenda um allan heim.

Á þessum tónleikum í fríkirkju Reykjavíkur fær tónlist Joep að njóta sín í nánu og einstöku andrúmslofti þar sem tónarnir fá að anda og áheyrendur upplifa hana í allri sinni kyrrð og nánd.

Tónleikarnir eru partur af röð tónleika 2026 víðsvegar um heiminn.

Sérstakur gestur Sóley (Sóley Stefánsdóttir)  

Sóley Stefánsdóttir er tónskáld og lagahöfundur úr Hafnarfirði. Hún útskrifaðist af tónsmíðabraut Listaháskóla Íslands árið 2010 og hefur síðan þá gefið út fjölmargar plötur og verk sem hlotið hafa bæði verðlaun og viðurkenningar. Árið 2022 var Sóley tilnefnd til Norrænu Tónlistarverðlaunanna og hlaut Íslensku Tónlistarverðlaunin sama ár fyrir plötu sína Mother Melancholia. Sóley hefur komið víða að og unnið að tónlist fyrir fjögur leikhúsverk, kvikmyndir og dansverk.

Sóley leggur nú lokahönd á nýjasta verkið sitt Quean en í verkinu rannsakar hún ýmsar hliðar feminísmans, hið mjúka form kvenlíkamans, hávaða og einfaldleika, þögnina og flókið móðurlífið. Verkið er unnið í samstarfi við leikstjórann Samantha Shay og er samruni tónlistar, dans og kvikmynda.