Stefán S. Stefánsson, saxófónn

Björn Thoroddsen, gítar

Þórir Baldursson, píanó

Bjarni Sveinbjörnsson, bassi

Sigfús Óttarsson trommur

Íslenska jazzrokksveitin Gammar hefur um langt skeið verið áberandi afl í íslensku tónlistarlífi. Sveitin hefur markað sér skýra stöðu innan jazz-rokksins og sent frá sér fjórar hljómplötur með frumsömdu efni eftir meðlimi hljómsveitarinnar. Gammar hafa komið fram víða, bæði hérlendis og erlendis, meðal annars í Svíþjóð, Skotlandi og víðar í Evrópu. Í sveitinni leika tónlistarmenn með áratuga reynslu. Frá stofnun hafa þrír verið fastir meðlimir: gítarleikarinn Björn Thoroddsen, saxófónleikarinn Stefán S. Stefánsson og píanó- og orgelleikarinn Þórir Baldursson. Með þeim spila Bjarni Sveinbjörnsson á bassa og Sigfús Óttarsson á trommur.