Ari Bragi Kárason, trompet

Eyþór Gunnarsson, píanó

Tveir af fremstu tónlistarmönnum þjóðarinnar, þeir Ari Bragi og Eyþór Gunnars, leiða hér saman hesta sína á þessum tónleikum. Þrátt fyrir að Ari Bragi sé búsettur í Danmörku, þar sem hann starfar með hinu virta danska útvarpsbigbandi (Danish Radio Big Band), hafa þeir Eyþór haldið nánu samstarfi í fjölda ára bæði með tilkomu Ara Braga sem meðlimi hljómsveitarinnar Mezzoforte og einnig með samstarfi þeirra með hljómsveitinni Annes. Á milli þeirra ríkir djúpur tónlistarlegur skilningur og sterkur þráður. Á tónleikunum munu þeir félagar leggja áherslu á efni af nýjustu plötum sínum, Melodies for You og Melodies for Us, sem báðar komu út á síðasta ári við frábærar undirtektir. Gestir geta búist við kvöldi þar sem fallegar laglínur, dýpt og leikgleði ráða för.