Páll Óskar & Benni Hemm Hemm hafa slegið í gegn með nýju plötunni "Alveg". Lagið "Eitt af blómunum" ómaði um allt land og varð vinsælasta lag Rásar 2 árið 2025.

Nú eru þeir á leið í tónleikaferð og spila í fallegustu kirkjum landsins, þar sem þeir munu leika lögin á nýju plötunni ásamt eldri smellum. Hér gefst einstakt tækifæri til að heyra þessi gullfallegu lög í návígi við Palla og Benna, í glænýjum útsetningum.

Páll Óskar & Benni Hemm Hemm voru leiddir saman af Kidda hjálmi (Baggalútur) í þeim tilgangi að gera eitt lag fyrir sjónvarpsþáttinn Hljómskálann á RÚV. Lagið kom auðveldlega til þeirra og þeim fannst freistandi að gera svosem eins og eitt lag í viðbót. Svo kom annað lag og allt í einu var komin heil plata með titilinn "Alveg".

Palli og Benni fengu herskara af frábæru tónlistarfólki í stúdíóið með sér og útkoman er einstakt verk þar sem sameinast ljúfar og sætar laglínur og flugbeittir textar.

Platan hefur fengið frábæra dóma og Palli og Benni geta ekki beðið eftir því að bruna út um allt land að leika þessi nýju lög, ásamt fleiri smellum úr fortíð þeirra beggja.

Kirkjan opnar 30 mínútum fyrir hverja tónleika. Sætaval er frjálst, en Páll Óskar gengur um syngjandi meðal áhorfenda, svo nándin verður mikil.

"Plata ársins"

"Stórkostleg plata, sem verður betri með hverri hlustun"

"Eins og geðlyf við skammdegisþunglyndi"

"Varla hægt að hlusta á 'Eitt af blómunum' án þess að tárast"

"Sigur mannsandans"

RÁS 2

Júlía Aradóttir, Árni Matt & Margrét Erla Maack

"Hugsað með hjartanu"

"'Eitt af blómunum' er með eftirminnilegri baráttusöngvum sem ég hef heyrt"

"Þessi plata er svo eitthvað annað, svo það sé sagt"

"Aðgengileg og melódísk"

MBL

Arnar Eggert Thoroddsen

"Benni and Páll Óskar with their new album are doing what I was yearning for in younger musicians during such times. Lyrics that talk to contemporary politics. They are artists with principles. Bringing light, when darkness descends. I hope the younger scene picks up on their example. Because this is a time for artists to speak up."

THE REYKJAVÍK GRAPEVINE

Jón Trausti Sigurðarson

Ljósm Laimonas @ Sunday and White

Makeup Raymakeup.art

Hönnun Arnar & Birna @ Studiostudio