Við jólaskreyttan Austurvöll, þegar klukkan er alveg við það að hringja inn jól, viljum við, Sigríður Thorlacius og Guðmundur Óskar bjóða ykkur upp á hlýlega og hátíðlega síðdegistónleika í húsi vinnustofu Kjarval í Austurstræti.

Okkur langar að bjóða upp á stund með okkar uppáhalds jólatónlist héðan og þaðan og vonumst til að ná að vinda ofan af árstíðabundnum áhyggjum og óþarfa stressi og blása ykkur jólaanda í brjóst.

Húsið og barinn opna klukkutíma fyrir tónleika svo hægt verður að fá sér drykk, áfengan eða óáfengan, heitan eða kaldan

Von er á mjög einstökum en sennilega ekki mjög óvæntum leynivini.

Hlökkum til að sjá ykkur og spila fyrir ykkur,

Sigga&Gummi