Reykjavík Early Music Festival er fyrsta alþjóðlega barokkhátiðin í Reykjavík og verður haldin í þriðja sinn dagana 31. mars-2. apríl 2026 í Hörpu. 

Hægt verður að kaupa hátíðarpassann á sérstöku tilboðsverði, kr. 16.000,- í tvær vikur, frá og með 17. nóvember 2025. Frá og með 1. desember verður passinn seldur á fullu verði, kr. 24.900,- 

Hátíðin er einstakur vettvangur fyrir samstarf íslenskra og erlendra tónlistarhópa sem sérhæfa sig í upprunaflutningi barokktónlistar. Listræn stjórn hátíðarinnar er í höndum Elfu Rúnar Kristinsdóttur, fiðluleikara og eins stofnanda Barokkbandsins Brákar.

Nánari upplýsingar má finna á vef hátíðarinnar.