Pétur Ben útgáfutónleikar

Platan Painted Blue hefur lengi verið í smíðum, en lítur loks dagsins ljós í nóvember. Platan rennir bláum pennslum yfir hverfulleika, húmor og leit að friði í gegnum þjóðlagaform. Röddin og gítarinn eru í forgrunni en þó koma fjölmargir vinir Péturs fram á plötunni. Má þar nefna  Emiliönu Torrini, Tinu Dickow, Helga Jónsson, Marketu Irglova, Pieter Theuns og Magnús Trygvason Elíassen ásamt mörgum öðrum frábærum listamönnum.

Í tilefni útgáfunnar verður Pétur Ben með útgáfutónleika í Iðnó þann 29. nóvember klukkan 20.  

Eitt af lögum plötunnar, The Great Big Warehouse in the Sky, var tilnefnt sem lag ársins á Íslensku tónlistarverðlaununum 2025. Pétur er þekktur fyrir ófyrirsjáanlegar og fjölbreyttar tónleikaupplifanir þar sem hann fléttar saman ólíkum lagasmíðum sínum við óvæntar og skemmtilegar ábreiður.