Vælið er árleg söngvakeppni Verzlunarskóla Íslands þar sem nemendur skólans koma fram í glæsilegum húsakynnum og láta ljós sitt skína. Atriðin eru tíu talsins og eru afar metnaðarfull og fjölbreytt. Ásamt því er dagskráin uppfull af óvæntum innkomum stórstjarna, litríkum skemmtiatriðum og miklu fjöri í gegnum allt kvöldið. Bráðfyndnir kynnar halda svo stuðinu gangandi. Í lok kvöldsins tilkynnir vel skipuð dómnefnd loks sigurvegara Vælsins og mun sá aðili keppa fyrir hönd skólans í Söngvakeppni framhaldsskólanna.