Matthías Helgi - Útgáfutónleikar

Útgáfutónleikar fyrir plötuna Skák & Mát eftir Matthías Helga Sigurðarson.

Skák & Mát er fyrsta platan sem Matthías Helgi gefur út. Um er að ræða jazz gítar tríó plötu sem inniheldur fjölbreytta jazztónlist eins og t.d. latin, swing og vals. Matthías byrjaði að semja tónlistina á plötunni í Listaháskóla Íslands og tók hana upp síðastliðið sumar. Markmiðið var að ná fram orkunni sem myndast við lifandi tónlistarflutning og því var platan tekin upp live. Á henni er jafnframt mikið um spuna og samtal milli hljóðfæraleikara.

Matthías er upprunalega klassískt menntaður gítarleikari. Hann bætti síðan við sig rafmagnsgítarnum og útskrifaðist frá Listaháskóla Íslands úr rytmísku námi árið 2024.

Matthías hefur áhuga á að blanda klassíska gítarnum og jazz tónlistinni saman sem gefur plötunni einstakan blæ.

Matthías Helgi Sigurðarson - Gítar

Friðrik Örn Sigþórsson - Kontrabassi

Þorvaldur Kári Ingveldarson - Trommur

Það er 18 ára aldurstakmark á þennan viðburð.