Jazzsöngkonan Helga María Ragnarsdóttir fluttist til Svíþjóðar árið 2017 og stundaði bachelornám við Tónlistaháskólann í Piteå, en er nú búsett í Stokkhólmi þar sem hún starfar sem söngkona.

Í nóvember kemur hún til Íslands og leikur á Iðnójazz ásamt gítarleikaranum Hróðmari Sigurðssyni, kontrabassaleikaranum Birgi Steini Theodórssyni og trommuleikaranum Magnúsi Trygvasyni Eliassen.

Kvartettinn mun spila blöndu af þeirra uppáhalds jazzstandördum og norrænum vísum.