Hið árlega kvennakvöld Víkings verður haldið laugardaginn 8. nóvember í veislusal Víkings í Safamýri.

Víkingskonur ættu ekki að láta sig vanta á þennan glæsilega viðburð, enda ærin ástæða til að mæta og fagna glæsilegu tímabili.

Miðafjöldi er takmarkaður og því er mikilvægt að tryggja sér miða í tæka tíð. Hægt er að kaupa staka miða á kvöldið en einnig er hægt að bóka heil borð (10 sæti) með því að senda póst á kvennaknattspyrna@vikingur.is þar sem kvittun fyrir miðum fylgir með.

Húsið opnar kl. 18.30 og borðhald hefst stundvíslega kl. 19.30. Mikið verður um dýrðir og eins og lög gera ráð fyrir þá verður hið árlega happdrætti á sínum stað með veglegum vinningum. DJ Kobbi CoCo heldur síðan stuðinu gangandi fram á nótt. Enginn verður svangur því boðið verður upp á glæsilegt hlaðborð að hætti Múlakaffis. Ef þú hefur séróskir varðandi matinn biðjum við þig um að hafa samband á kvennaknattspyrna@vikingur.is.

Við lofum sem fyrr söng, dansi, hlátri og mikilli gleði!