Vertu með á okkar árlega Kótilettukvöldi á Hilton Reykjavík Nordica þar sem kokkar úr kokkalandsliðinu elda dásamlegar kótilettur. Kvöldið verður fullt af skemmtilegri tónlist, happdrætti og öðrum óvæntum uppákomum. Athugið að þetta er áfengislaus viðburður.

Allur ágóði rennur til starfsemi Samhjálpar. Í rúma hálfa öld hefur Samhjálp staðið vörð um jaðarsetta hópa sem lifa við fátækt og félagslega einangrun, sem oft er afleiðing af langvarandi glímu við fíkn. Samhjálp rekur meðferðarheimilið Hlaðgerðarkot þar sem pláss er fyrir 30 einstaklinga í meðferð við fíknisjúkdómum, kaffistofu Samhjálpar sem gefur um 100 þúsund máltíðir á ári, ásamt áfanga- og stuðningsheimilum í Reykjavík og Kópavogi.