Barnasöngleikurinn Blái hnötturinn byggður á sögu Andra Snæs Magnasonar með tónlist eftir Kristjönu Stefáns og söngtexta eftir Berg Þór Ingólfsson. 

Nú hefur þessi vinsæla tónlist verið útsett fyrir stórsveit af Eiríki Rafni Stefánssyni sem einnig mun stjórna tónleikunum. Gestir verða leikararnir Björgvin Franz Gíslason og Hjörtur Jóhann Jónsson auk Barnakórs Akureyrarkirkju undir stjórn Sigrúnar Mögnu Þórsteinsdóttur og Barnakórs Ungleikhússins í Keflavík undir stjórn Kristjönu Stefáns ásamt ungum einsöngvurum frá Ungleikhúsinu í Keflavík og Grandaskóla í Reykjavík. Þess má geta að Blái hnötturinn hlaut Grímuverðlaunin sem barnasýning ársins og tónlist ársins árið 2016. 

Tónleikarnir eru haldnir í samvinnu við Barnamenningarhátíð.