Hamlet

Frumsýnt: 31. október               Litla svið        

Frægasta leikverk sögunnar – í nýjum búning fyrir nýjar kynslóðir!

“Að vera eða ekki vera”

Um sýninguna

Fortíð og framtíð takast á í glænýrri útfærslu Kolfinnu Nikulásdóttur á frægasta leikriti heims. Hamlet, leikrit leikritanna, er í senn saga um sannleika, stöðu, stétt og ekki síst leiklistina sjálfa.

Í þessu nýja handriti blæs Kolfinna Nikulásdóttir lífi í forna ljóðabálka frá sautjándu öld og fær einvalalið leikara til að pumpa blóði í hjarta þessa aldagamla verks. Um er að ræða sýningu sem teygir formið eins langt og mögulegt er - á sama tíma og það stingur í samband við áhorfendur.

Hamlet, í uppsetningu Kolfinnu, rannsakar þenslumörk leikhússins og spyr: Hvernig samsvarar heimsmynd Hamlets okkar eigin í dag? Mannkynið, líkt og persónur verksins, lifir á umbrotatímum. Síbreytilegar líftæknilegar lausnir, óstöðugleiki í efnahagsmálum, pólitískur glundroði, fake news, og óskýr framtíðarsýn - Að vera eða ekki vera?

Boðberi framtíðarinnar, Kolfinna Nikulásdóttir, og andi fortíðarinnar, William Shakespeare, ganga í eina sæng og úr verður leikhúsupplifun sem sperrir eyru, sprengir augu og makes theatre great again - kvöldstund sem enginn vill missa af.

Kolfinna Nikulásdóttir leikstýrði verðlaunasýningunni Ást Fedru og tekst nú aftur á við klassíkina í einu þekktasta og vinsælasta verki leikhússögunnar, sjálfum Hamlet. Leikritið er marglaga og opið til túlkunar enda hafa leikstjórar og listamenn í aldanna rás fundið þar gamla og nýja þræði og spunnið sögur sem tala til áhorfenda á öllum tímum. Kolfinna fær til liðs við sig einvala lið leikara og listrænna stjórnenda en þýðandi er meistari íslenskrar tungu, Þórarinn Eldjárn.

Höfundur: William Shakespeare

Þýðing: Helgi Hálfdánarson, Ingivaldur Nikulásson, Matthías Jochumsson og Þórarinn Eldjárn

Leikgerð og leikstjórn: Kolfinna Nikulásdóttir

Leikmynd og búningar: Filippía Elísdóttir

Ljósahönnun: Pálmi Jónsson

Hljóðmynd: Salka Valsdóttir

Dans/Sviðshreyfingar: Kolfinna Nikulásdóttir og Ernesto Camilo Aldazabal Valdes

Leikarar:

Berglind Alda Ástþórsdóttir

Hákon Jóhannesson

Hilmir Snær Guðnason

Hjörtur Jóhann Jónsson

Sigurbjartur Sturla Atlason

Sólveig Arnarsdóttir

Vilhelm Neto