Hinsegin sigling með Eldingu,  föstudaginn 8. ágúst

Hinsegin dagar í samstarfi við Eldingu bjóða í litríka og skemmtilega siglingu undir yfirskriftinni Stolt siglir fleyið mitt.

Við siglum stolt úr höfn og út á Faxaflóa í um það bil klukkustundarlanga ferð um fallegar eyjar þar sem borgin blasir við frá nýju og ógleymanlegu sjónarhorni. Fordrykkur og huggulegheit hefjast kl. 17:00 og DJ Linda mætir með alla hýrustu poppsmellina, tilvalið að vagga sér í takt við öldurnar og tónlistina.

Skipið leggur úr höfn stundvíslega kl. 18:00.

Til að fá miða fyrir fylgdarmanneskju er hægt að senda póst á _info@tix.is._