Haukur Gröndal, klarínett

Ásgeir J. Ásgeirsson, bouzouki, tamboura

Þorgrímur Jónsson, bassi

Erik Qvick, slagverk

Byzantine Silhouette, sem margir tónlistarunnendur þekkja vel – einkum unnendur balkantónlistar – heldur upp á 15 ára afmæli með tónleikum hjá Jazzklúbbnum Múlanum. Sveitin leikur fjölbreyttar og rytmískar tónsmíðar með áhrifum frá Grikklandi, Búlgaríu, Makedóníu og Tyrklandi. Tónleikakvöldin á Múlanum eru kærkomið tækifæri fyrir sveitina til að fagna með gestum. Á efnisskránni verður bæði nýtt efni og þekktar perlur úr safni sveitarinnar.