Gítarleikarinn Ómar Einarsson og píanóleikarinn Kjartan Valdemarsson munu leiða saman hljóðfæri sín í dúett. Þeir hafa komið víða við í íslensku tónlistarlífi á undanförnum 35 árum og hafa oftar en einu sinni spilað saman í kvartett. þetta verður því spennandi þar sem tvö hljóma-hljóðfæri koma saman. Tónleikarnir eru fullkomið tækifæri til að njóta frábærrar tónlistar í notalegu umhverfi Hannesarholti. Á efnisskránni verða vel valin verk eftir m.a. Ornette Coleman, John Abercrombie, Miles Davis, A.C. Jobim og Pat Metheny. Einnig verður frumsamið efni á dagskránni.