ÍSLENSK EINSÖNGSLÖG Í MINNINGU JÓNASAR INGIMUNDARSONAR

Íslenska einsöngslagið verður í hávegum haft á tónleikum sem Sönghátíð í Hafnarborg helgar minningu Jónasar Ingimundarsonar, sem lést nýlega. Jónas var ekki aðeins virtur píanóleikari heldur einnig kórstjóri, kennari og ötull kynningarfulltrúi tónlistar og þá sérstaklega íslenska einsöngslagsins. Hann hélt á ferli sínum fjölda tónleika á Íslandi og erlendis ásamt því að leika inn á fjöldann allan af hljómplötum- og diskum. Jónas vann með mörgum af fremstu tónlistarmönnum þjóðarinnar en samstarf hans við Kristinn Sigmundsson óperusöngvara var sérstaklega farsælt.

Til að heiðra minningu Jónasar koma fram söngvararnir Kristinn Sigmundsson, Sigrún Hjálmtýsdóttir (Diddú), Auður Gunnarsdóttir og Guðrún Jóhanna Ólafsdóttir, píanóleikararnir Hrönn Þráinsdóttir og Helga Bryndís Magnúsdóttir sem báðar lærðu hjá Jónasi, og gítarleikarinn Francisco Javier Jáuregui. Þau flytja sum af ástsælustu sönglögum Íslendinga sem og lög eftir Jónas sjálfan.

Jónas Ingimundarson stundaði tónlistarnám við Tónlistarskólann í Reykjavík og framhaldsnám við Tónlistarháskólann í Vínarborg. Að námi loknu starfaði hann sem einleikari, meðleikari, kórstjóri, píanókennari á öllum stigum og uppfræðari á tónleikum, í skólum, í útvarpi og sjónvarpi. Með einlægri hugsjón og kímnigáfu náði Jónas að laða að sér áheyrendur og skapa hlýlegt andrúmsloft í kringum sig.

Verkefnin stór og smá eru of mörg til að lista öll en nefna má: Tónlist fyrir alla, Ljóðatónleikar Gerðubergs, Tíbrártónleikar Salarins, skipulagðir tónleikar á landsbyggðinni, Hátíðartónleikar Rótarýhreyfingarinnar og Söngdagar í Skálholti.

Áberandi í ævistarfi Jónasar er farsælt samstarf hans við helstu söngvara þjóðarinnar. Það starf skilaði ótal verkefnum sem sum eru nefnd hér ofar, einstökum tónleikum, tónleikaferðalögum og hljóðritunum. Einnig mætti segja að Salurinn, tónlistarhús Kópavogs, hefði aldrei litið dagsins ljós án ötullar aðkomu Jónasar.

Jónas hlaut margvíslegar viðurkenningar fyrir störf sín og framlag til íslenskrar tónlistar. Má þar nefna starfslauna listamanna og heiðurslaun Alþingis. Hann var sæmdur riddarakrossi hinnar íslensku fálkaorðu 1994 fyrir framlag sitt til íslenskrar tónlistar, hlaut Dannebrog-orðuna dönsku 1996, fyrstu heiðursverðlaun Íslensku tónlistarverðlaunanna 2001 og var útnefndur heiðurslistamaður Kópavogs 2004 og heiðursborgari bæjarins 2011. Loks má nefna að 2006 sæmdi Steinway og Sons í Hamborg Jónas titlinum „Steinway artist“.

Eiginkona Jónasar var Ágústa Hauksdóttir píanókennari en þau giftust 1966. Kærleikur þeirra og samvinna er öllum minnisstæður sem til þekktu og víst að Jónas hefði seint unnið sín afrek án hennar.

Athugið að hægt er að kaupa hátíðarpassa á 14.900 kr. sem gildir á alla tónleika á Sönghátíð í Hafnarborg 14.6.–29.6.2025. Takmarkað upplag er í boði.

EINA SUMARNÓTT

SÖNGHÁTÍÐ Í HAFNARBORG

14.6–29.6.2025

TÓNLEIKAR:

TÍMINN OG VATNIÐ

Lau. 14.6. kl. 17:00

Rannveig Káradóttir, Peter Aisher, Hrönn Þráinsdóttir

ÞAÐ VAR EITT KVÖLD

Sun. 15.6. kl. 17:00

Mótettukórinn, Stefan Sand

ÍSLENSK EINSÖNGSLÖG Í MINNINGU JÓNASAR INGIMUNDARSONAR

Lau. 21.6. kl. 17:00

Kristinn Sigmundsson, Sigrún Hjálmtýsdóttir (Diddú), Auður Gunnarsdóttir, Guðrún Jóhanna Ólafsdóttir, Hrönn Þráinsdóttir, Helga Bryndís Magnúsdóttir, Francisco Javier Jáuregui

DRAUMAR ÚR NORÐRI

Sun. 22.6. kl. 17:00

Jóna G. Kolbrúnardóttir, Kristín Sveinsdóttir, Unnsteinn Árnason, Eva Þyri Hilmarsdóttir

MASTER CLASS TÓNLEIKAR

Fim. 26.6. kl. 20:00

Nemendur Kristins Sigmundssonar, Helga Bryndís Magnúsdóttir

FJÖLSKYLDUTÓNLEIKAR

Fös. 27.6. kl. 17:00

Hanna Ágústa Olgeirsdóttir, Sigríður Ásta Olgeirsdóttir

ONE'S FOR SORROW, TWO'S FOR JOY

Lau. 28.6. kl. 17:00

Tríó Trëi: Mara Miribung, Gizem Simsek, Abélia Nordmann

ÓPERUGALA

Sun. 29.6. kl. 17:00

Bryndís Guðjónsdóttir, Eggert Reginn Kjartansson, Guðrún Jóhanna Ólafsdóttir, Jóhann Kristinsson, Elena Postumi

Eina sumarnótt

Sönghátíð í Hafnarborg 2025

Hin árlega Sönghátíð í Hafnarborg fer fram dagana 14.–29. júní 2025 undir heitinu Eina sumarnótt, sem vísar í lag Jóns Nordal Hvert örstutt spor við ljóð eftir Halldór Laxness.

Hátíðin býður upp á átta opinbera tónleika í aðalsal Hafnarborgar með vönduðum tónlistarmönnum af ólíkum kynslóðum. Alls taka á sjöunda tug tónlistarmanna virkan þátt í hátíðinni í ár. Sumir þeirra eru búsettir á Íslandi en aðrir koma sérstaklega til landsins til að koma fram, þar á meðal söngvararnir Jóhann Kristinsson, Rannveig Káradóttir, Peter Aisher, Trio Trëi og píanóleikarinn Elena Postumi.

Á Sönghátíð má hlusta á fjölbreytta tónleika með gamalli og splunkunýrri íslenskri og erlendri tónlist. Þar verður íslenska einsöngslagið í hávegum haft á sérstökum tónleikum tileinkuðum píanóleikaranum Jónasi Ingimundarsyni sem lést nýlega. Einnig má heyra erlendan ljóðasöng, þjóðlög, kórverk, frumsamin verk og atriði úr óperum.

Á hátíðinni syngja ekki einungis sumir af okkar reyndustu klassísku söngvurum eins og Kristinn Sigmundsson og Diddú (Sigrún Hjálmtýsdóttir), heldur einnig þeir sem rétt eru að hasla sér völl núna og bjartar vonir framtíðarinnar.

Sönghátíð í Hafnarborg hlaut Íslensku tónlistarverðlaunin sem Tónlistarhátíð ársins 2020. Hún var stofnuð árið 2017 og fer því níunda árlega hátíðin fram í ár. Auk tónleika býður hún upp á master class námskeið Kristins Sigmundssonar fyrir söngnemendur og söngvara, tónlistar- og myndlistarnámskeið fyrir 6–12 ára, tónlistarsmiðju fyrir 3–5 ára með foreldrum og krílasöng fyrir 6–18 mánaða með foreldrum.

Markmið hátíðarinnar er að koma list raddarinnar á framfæri með tónleikum og námskeiðum. Jafnframt er horft til framtíðar með því að birta á YouTube síðu hátíðarinnar viðtöl við söngvara og valdar myndbandsupptökur af tónleikum.

Sönghátíð í Hafnarborg er sjálfstæð hátíð, sem haldin er í gjöfulu samstarfi við Hafnarborg. Hátíðin í ár nýtur stuðnings Hafnarfjarðarbæjar, Tónlistarsjóðs, Menningarsjóðs FÍH og erlendra styrkja. Við þökkum kærlega stuðninginn.

Góða skemmtun!

Guðrún Jóhanna Ólafsdóttir og Francisco Javier Jáuregui,

stofnendur og stjórnendur Sönghátíðar í Hafnarborg.

Dagskrá hátíðarinnar má skoða á vefsíðunni www.songhatid.com

Miðasalan fer fram á Tix.

NÁMSKEIÐ Á SÖNGHÁTÍÐ Í HAFNARBORG:

SÖNGSMIÐJA OG MYNDLISTARNÁMSKEIÐ

23. júní – 27. júní

9:00–12:00 & 13:00–16:00

Fyrir 6–12 ára

Hanna Ágústa Olgeirsdóttir, Ýr Káradóttir, Unnur Mjöll S. Leifsdóttir

TÓNLISTARSMIÐJA

28. júní

kl. 11:00–11:45

kl. 13:00–13:45

Valgerður Jónsdóttir

Fyrir 3–5 ára með foreldrum

MASTER CLASS

23.–26. júní

kl. 9:30–16:30

Kristinn Sigmundsson

Fyrir söngnemendur og söngvara

KRÍLASÖNGUR

29. júní

kl. 11:00–11:45

kl. 13:00 og 13:45

Svafa Þórhallsdóttir

Fyrir 6–18 mánaða með foreldrum

Skráning á námskeið fer fram í gegnum vefsíðu hátíðarinnar: www.songhatid.com