,,Vissuð þið að Heilbrigðisstofnun Suðurnesja er alltaf kölluð sláturhúsið. Alltaf pökkuð, alltaf röð. Allir hóstandi og hnerrandi og ég finn svona hvernig ég er að verða veik að því að anda inn ógeðinu sem hinir anda út. Feita búkollu-mamman með massíva barnavagninn spyr móttökuna hversu lengi þurfa þau nú eiginlega að bíða. Konan í móttökunni segir að það er aftur bara einn læknir á vakt svo hún gerir ráð fyrir svona 2-3 klukkutímum að minnsta kosti"

Ífígenía í Ásbrú (Iphigenia in Splott) eftir Gary Owen er verðlaunaverk sem hefur farið sigurför um heiminn. Leikritið fjallar um Ífí, stelpuna sem þú tekur sveig framhjá þegar þú mætir henni hauslausri fyrir hádegi. En það sem þú veist ekki er að þú stendur í ævilangri þakkarskuld við hana. Og nú er komið að skuldadögum.

Ífigenía í Ásbrú hlaut tilnefningu til Grímunnar 2025 fyrir leikkonu ársins í aðalhlutverki.

Leikstjóri: Anna María Tómasdóttir

Leikkona: Þórey Birgisdóttir

Höfundur: Gary Owen

Hljóðhönnun: Kristín Hrönn Jónsdóttir

Ljósahönnun: Ásta Jónína Arnardóttir

Aðstoðarleikstjóri: Gígja Hilmarsdóttir

Plaggat grafík: Ragnar Fjalar Lárusson

Ljósmyndari: Grace Jane Claiborn-Barbörudóttir

Þýðing: Þórey Birgisdóttir og Anna María Tómasdóttir

Video kynningarefni: Árni Beinteinn

Lag: Anya Shaddock

,,Þórey leikur umbúðalaust með hjartað galopið.”

HEIMILDIN,,Leikstjórn Önnu Maríu er styrk eins og stálþráður. Ekki nokkur áhorfandi fer ósnortinn heim af sýningunni”

VÍÐSJÁ, RÚV.

,,Þetta verk á erindi við alla. Ekki missa af því”

TMM

,,Ífí er sjarmerandi, fráhrindandi, heillandi og hættuleg. Þórey neglir þetta allt.”

MORGUNBLAÐIÐ,,Leiksigur! Leikhús með erindi og sál. ”

JÓN VIÐAR

Viðvörun:

Verkið inniheldur senur um viðkvæm málefni og er bannað börnum. Til þess að spilla ekki fyrir upplifun þinni af verkinu hvetjum við þig til að fá nánari upplýsingar um sýninguna fyrirfram teljir þú að eitthvað gæti vakið upp óþægileg viðbrögð sem þú vilt forðast. Hafðu samband við midasala@borgarleikhus.is