ALMENN SALA HEFST 16. MAÍ KL. 10 

FORSALA HEFST 15. MAÍ KL. 10

SKRÁNING Í FORSÖLU HÉR

Darcy Oake er einn færasti og vinsælasti sjónhverfingamaður heims og er á leiðinni til Íslands með brellur og brögð sem aldrei áður hafa sést á íslensku sviði.

Hann sló eftirminnilega í gegn í þáttunum Britain's Got Talent. Yfir 200 milljónir áhorfenda fylgdust með þegar Darcy Oake steig á svið í þættinum en nú heimsækir hann sviðið í Eldborg og ætlar að leiða áhorfendur inn í aðra veröld. Það eru ágætis líkur á því að hakan detti í gólfið og neglur verði nagaðar í Hörpu föstudaginn 3. október.

Darcy hefur tekið ríkulega arfleifð töfrahefðarinnar og sett á hana ferskan og spennandi svip, við mikla hrifningu áhorfenda um allan heim. Hann leiðir nú nýja kynslóð nútímalegra sjónhverfingamanna, kemur reglulega fram um allan heim og er því mikill fengur í því að fá kappann til Íslands.

MIÐAVERÐ:

Úrvalssæti:       14,990 kr. (fjólublátt á mynd)

Verðsvæði 1:    12,990 kr. (rautt á mynd)

Verðsvæði 2:    10,990 kr. (blátt á mynd)

Verðsvæði 3:      9,990 kr. (grænt á mynd)

Verðsvæði 4:      6,990 kr. (gult á mynd)

Verðsvæði 5:      4,990 kr. (bleikt á mynd)

Mynd af sal hér

Umsjón: Sena Live

UM DARCY

Þegar Darcy var 8 ára sýndi faðir hans honum spilagaldur og það kveikti í honum brennandi áhuga á töfrabrögðum. Löngu áður en en hann hafði aldur til að sækja næturklúbba var hann orðinn svo ótrúlega fær í sjónhverfingum að hann kom reglulega fram á slíkum stöðum. Þar á meðal í hinum heimsfræga Magic Castle í Hollywood þar sem hann heillaði áhorfendur upp úr skónum. 16 ára að aldri var hann farinn að að sigra atvinnumenn í faginu í hinum ýmsu keppnum og vann m.a. til gullverðlauna People's Choice í Seattle.

Darcy heldur stoltur á lofti hefð klassískra sjónhverfingamanna á borð við landa hans, Doug Henning, og bætir í með sínum einstaka stíl, sem einkennist af stórfengleika og endalausum sjarma.

Hann kom fram sem gestur í America's Got Talent og sannaði þar enn og aftur að hið ómögulega er mögulegt. Að auki hlaut hann þann heiður að koma fram í 90 ára afmælis fögnuði Elísabetar drottningar þar sem hann lék listir sínar fyrir konungsfjölskylduna. Árið 2018 var Darcy aðalatriðið í 10 sýningum á hinu heimsfræga Calgary Stampede í heimalandi sínu Kanada þar sem hann sýndi fyrir framan yfir 20.000 áhorfendur hvert kvöld. Sama ár var Darcy aðalatriðið í Broadway-sýningunni The Illusionists, á Times Square í New York borg.