Það verður vor í lofti þegar sprelligosarnir í Drengjakór íslenska lýðveldisins halda sína árlegu vorskemmtun!

Þessir óþreytandi fjörkálfar - sem sumir vilja kalla fjöllistahóp – munu þá syngja, segja, sýna og sprella allt í senn, allt í fullkomnu og þrælskipulögðu skipulagsleysi og óðagoti. en það eru einmitt einkennisorð kórsins.

Komdu og fagnaðu vetrarlokum með Drengjunum sem eru jafnvel meira vor en vorið sjálft. Það verður sungið, sprellað, hlegið og kannski líka klappað – helst í takt en það er ekki skilyrði.