Ef ég væri gæs

Tjarnarbíó

14. apríl

Miðaverð frá

2.900 kr.

Grjótgerður var afar merkileg lítil vera, grá á litin, alveg eins og steinn. Hún bjó efst uppi á fjalli þaðan sem hún horfði yfir litríka veröldina. En hún var leið og þung á brá, því hún var bara grá, og henni var farið að leiðast að horfa á lífið þjóta hjá. Skyndilega flaug grágæs yfir höfði Grjótgerðar. Vá! Grágæsin var grá, en samt glöð og hýr á brá! Nú var Grjótgerður komin með svarið, hún skyldi láta breyta sér í grágæs. Því næst lagði hún af stað í ótrúlegt ferðalag. Á ferð sinni kynnist hún dularfullum svifverum, stressuðum skógarálfi og kolkrabba, sem í ljós kemur að hefur töframátt. Þegar kolkrabbinn er við það að breyta Grjótgerði í grágæs og draumurinn er við það að rætast hættir Grjótgerður skyndilega við. Ferðalagið hefur kennt henni að hún þarf ekki að breytast – hún sjálf er einstök, falleg og fullkomin alveg eins og hún er.

Ef ég væri grágæs er nýtt íslenskt barnaleikrit eftir Ellen Margréti Bæhrenz. Sýningin hefur ríkan boðskap sem á sannarlega erindi við börnin okkar. Hún er 30 mínútur að lengd, einlæg, falleg og sprenghlægileg!

Leikarar sýningarinnar eru Ellen Margrét Bæhrenz og Arnmundur Ernst Backman.

Umsagnir:

Sýningin var mjög lifandi og greip athygli barnanna um leið. Alls konar furðuverur birtust á vegferð Grjótgerðar og vöktu mikla kátínu hjá börnunum. Við í Hagaborg getum svo sannanlega mælt með þessari sýningu.

Góður boðskapur í sýningunni og frábært að svo góðum boðskap sé hægt að koma á framfæri á jafn fyndinn og skemmtilegan hátt.

Heilt yfir skemmtileg upplifun sem skyldi mikið eftir sig hjá starfsfólkinu og börnunum í Bergheimum.

Gjafakort fyrir öll tilefni

Gefðu viðburð að eigin vali

Kaupa gjafakort

Nýir viðburðir og tilboð fyrir þig í hverri viku

Skráðu þig á póstlistann

Skrá mig
Messenger