Tónlistarmaðurinn Axel Flóvent er fæddur og uppalinn á Húsavík. Hann hefur samið tónlist frá unga aldri og komið víða við á ferlinum.

Fyrsta EP skífa Axels kom út á Íslandi árið 2015 og hefur titillaginu, Forest Fires, verið streymt á Spotify tæplega 90 milljón sinnum.

Axel hefur hitað upp fyrir margar hljómsveitir í gegnum tíðina, þar á meðal The Paper Kites, Radical Face, Mumford & Sons, Júníus Meyvant og Ásgeir Trausta.

Föstudaginn 16. maí heldur Axel Flóvent í tónleikaferðalag yfir Tjörnesið með einu stoppi: Skúlagarði í Kelduhverfi. Hann lofar góðri blöndu af ljúfum tónum og góðum vorfíling.