Tónleikar í Breiðholtskirkju í Mjódd laugardaginn 19. apríl klukkan 15:15

Vaxtaverkir - vortónleikar með Björgu Brjánsdóttur flautuleikara og Þórgunni Önnu Örnólfsdóttur söngkonu þar sem flutt verður fjölbreytt tónlist fyrir flautu og rödd. Má þar nefna frumflutning á tveimur íslenskum tónverkum eftir tónskáldin Finn Karlsson og Ingibjörgu Azimu Guðlaugsdóttur, ásamt verkum eftir Þórunni Guðmundsdóttur, Pál Ragnar Pálsson, o.fl. Þess má geta að verk Finns er samið við ljóð eftir grænlenska ljóðskáldið Kuluk Helms sem fram kemur á Bókmenntahátíð í Reykjavík síðar í apríl.

Verkin hverfast um vaxtarverki að vori, þegar stirðir limir og lund vakna til lífs eftir veturdrungann og íslenskt páskahret fær hugann til að reika á hlýrri slóðir með ósk um sól og fuglasöng.