Gaggó verst er nýr söngleikur saminn af nemendum Hagaskóla. 

Í janúar 2024 kom saman hópur af samstíga unglingum í 9. bekk sem byrjaði að leggja drög að sögu. Söguþráðurinn var ekki lengi að verða til og lögin lifnuðu við hvert af öðru. Sagan er myrk en hversdagsleiki og húmor setja svip sinn á sýninguna. Haustið 2024 bættust svo fleiri hæfileikaríkir unglingar í hópinn og úr varð leikhópur, hljómsveit og baksviðs hópur sem unnið hefur þétt saman þetta skólaár. Eftir þrotlausa vinnu er nú orðin til frumsaminn söngleikur, saminn af nemendum Hagaskóla. Verið velkomin á Gaggó Verst!