Píanóleikarinn Andrew J. Yang flytur verk eftir Medtner, Schubert, og frumsamin verk.

Yang er fæddur og uppalinn í Kaliforníu og hefur undanfarin ár stimplað sig vel inn í tónlistarlífið á Íslandi sem einn af áhugaverðari píanóleikurum landsins, eftir að hann flutti fyrir nokkrum árum til Patreksfjarðar. Talinn af The San Francisco Examiner vera undrabarn, eða á ensku: a prodigy, [running] the emotional gamut from brooding introspection to manic exuberance. Yang er stofnandi og listrænn stjórnandi Íslensku píanóhátíðarinnar og einnig Alþjóðlegu píanóhátíðar Vestfjarða. Hann hefur komið víða fram, til að mynda í Auditorium Marcel Landowski (Paris), Musiikkitalo (Helsinki), Jewish Cultural Center (Krakow), Mozarthaus (Vín), Hoheikan (Sapporo), Carnegie Hall (New York City), og tónleikasölum í Llanes og Ribadesella (Spánn). Yang fékk fyrstu verðlaun á þrítugustu International FLAME Piano Competition keppninni í París (2019). Hann hefur einnig hlotið verðlaun frá Piano Award International Competition í Þýskalandi og Metropolitan International Piano Competition í New York. Árið 2018 hlaut Yang heiðursverðlaunin Hvítu rósina frá forseta Finnlands, Sauli Niinistö. Yang útskrifaðist með B.A. í hagfræði og B.M. í píanóleik frá Northwestern University árið 2015. Við útskrift með M.M. í píanóleik frá Mannes School of Music í New York árið 2017 hlaut hann Steinway & Sons verðlaunin, sem veitt eru framúrskarandi útskriftarnema. Meðal kennara Yang má nefna hinn virta William Wellborn, Antoinette Perry og Ruth Slenczynska. Yang er fyrrverandi keppnismaður í íþróttum eins og badminton og körfubolta og keppti í hnefaleikum. Hann býr núna í Reykjavík og er kennari við Tónlistarskólann í Reykjavík og Tónskóla Sigursveins.

Frekari upplýsingar má finna á www.andrewyangpiano.com.