Hvað gerist þegar ungt par stígur inn í heim fullorðinna með allar sínar vonir og drauma – en líka óvæntar áskoranir? Söng- og gleðileikurinn Stöndum saman eftir Huldu Ólafsdóttur tekur á þessu með stórskemmtilegri blöndu af dramatík, gleði og miklum húmor!

Leikritið var fyrst sýnt við miklar vinsældir árið 1993 á veitingahúsinu Glóðinni í Keflavík, en nú hefur höfundurinn – sem jafnframt er leikstjóri – gefið því ferskt og nútímalegt yfirbragð með nýjum áherslum og breyttum persónum.

Í sýningunni eru margir af bestu slögurum fortíðar fluttir í glænýjum búningi með skemmtilegum textum sem fá bæði hlátur og tilfinningar til að flæða! Sýnt er í veislusal Rauða hússins á annarri hæð, þar sem veitingastaðurinn býður upp á girnilegt leikhústilboð fyrir gesti.

Frábær tónlist, stórskemmtileg saga og ógleymanlegt kvöld!

Ekki missa af þessari sprengju af gleði og fjöri!