Grétar Lárus Matthíasson eða “Grétar Matt” (Greddi Rokk) hefur nú loks gefið út sínu fyrstu sólóplötu og að því tilefni mun hann halda útgáfutónleika í bæjarbíó í Hafnarfirði ásamt hljómsveit sinni og öðru frábæru tónlistarfólki.Grétar er ekkert nýstirni í bransanum en hann er mörgum landsmönnum kunnugur enda spilað og sungið á allmörgum skemmtunum og uppákomum í gegnum tíðina. Hann hefur tekið þátt í alls kyns verkefnum og má þar nefna; Skonrokk, Nostalgíu verkefni Guðrúnar Árnýar og spilað með hinu ýmsu böndum.

Hljómsveitina skipa:

Hálfdán Árnason - Bassi

Ásmundur Jóhannsson - Trommur

Jóhann Friðrik Karlsson – Gítar

Gestirnir eru ekki af verri endanum og má þar nefna:

Sigríði Guðnadóttur sem gerði m.a garðinn frægan með laginu Freedom með Jet black joe.

Vignir Þór Stefánsson á hljómborð.

Sigurgeir Sigmundsson á pedalsteel og gítar.

Einnig munu nokkrir meðlimir úr kór Lindakirkju, einum flottasta kór landsins vera með.

Einnig verður eitt óvænt atriði. 

Einstök kvöldstund sem engin ætti að missa af.