Söng og lagahöfundurinn Krummi Björgvinsson mun koma fram ásamt hljómsveit sinni Krákunum á Ölver þann 21.Febrúar.

Hann mun flytja lög af sinni næstkomandi hljómplötu ásamt eldri lögum sem hafa náð miklum vinsældum í útvarpi og trónað á toppi vinsældarlista Rásar 2 og Bylgjunni svo eitthvað sé nefnt.

Emil, sem er ungur og upprennandi söng og lagahöfundur mun hita upp. Emil gaf nýverið út lagið Blue Morning Sky sem hefur slegið gegn. Hann vinnur nú að sinni fyrstu smáskífu.

Miðaverð er aðeins 4900 kr sem hægt er að nálgast á heimasíðu Tix.is.

Hér verður um einstaka kvöldstund að ræða sem enginn má missa af.